廿一世紀的今天,低頭行路的人無處不在,對他們來說,比新鮮空氣更加重要的,似乎就只有無線網絡!出外旅行想慳到盡,又想上網跟香港的親戚朋友天涯若比鄰,以下介紹幾個東南亞地區的免費Wi-Fi攻略,教你出外免費豪食數據餐!
記者:溫曉嵐
記者:溫曉嵐
日本:總有一個喺左近
日本是個免費上網的天堂,7-eleven早就有免費Wi-Fi「7 Spot」,美國網絡公司Aruba Networks三月中更把其推而廣之,把覆蓋範圍增大至Ito Yokado、崇光及西武等!上網時間亦由每日三次、每次60分鐘,變成只需Login一次即享無限上網!穿街過巷由一間7-eleven去到另一間7-eleven,網絡會自動Login,好似Wi-Fi從來無離開過一樣!此外,遊東京自由行還有另一大喜訊!從今日起,抵達成田機場後切忌急於離開,皆因走到第二客運大樓地下國際線接機閘A區附近寫着「FREE Wi-Fi CARD」的櫃位,出示護照即可免費索取Wi-Fi上網卡一張,取得賬戶及密碼後,意味你可在東京任何一個NTT的Wi-Fi Hotspot風馳電掣上網!每個賬戶更畀你玩足14日㗎!現在計劃只限東京及周邊地區,唔知幾時輪到關西、北海道呢?